ဗိသုကာပညာ

လူတို့၏ နေမှုထိုင်မှုကိစ္စအဝဝကို စတင်ဆောင်ရွက်ကြစဉ်ကတည်းက ဗိသုကာပညာက ပေါ်ပေါက်နေပြီဖြစ်သောကြောင့် လွန်စွာ ရှေးကျသောအသက်မွေးဝမ်းကျောင်းမှု ဘာသာရပ်ဟု ဆိုရပါမည်။ ဗိသုကာပညာသည် လူတို့၏ တီထွင်ဖန်တီးကြံဆကာ ရေးဆွဲပြီး တကယ်အကောင်အထည်ဖော် ဆောက်လုပ်ရသော ပညာရပ်လည်းဖြစ်ပါသည်။ ထို့ကြောင့် ဗိသုကာသည်လူတို့အတွက် လိုအပ်သည့် ကိစ္စအဝဝနှင့် အဆောက်အအုံပုံစံများကို ဖန်တီးရေးဆွဲသူအပြင် ဆောက်လုပ်သူပညာရှင်လည်း ဖြစ်ပါသည်။ တစ်နည်းအားဖြင့်ဆိုရလျှင် ဗိသုကာပညာရပ်၏ နှစ်လိုဖွယ်ကောင်းသောအချက်မှာ ဗိသုကာပညာရှင်၏ အံ့သြဖွယ်ကောင်းသောစိတ်ကူးပုံရိပ်များကို တွေးဆခွင့်ရှိခြင်းနှင့် နောင်တွင်တကယ်အကောင်အထည်ဖော်ဆောင်ခွင့်ရှိခြင်းတို့ပင် ဖြစ်ပါသည်။ လူတို့၏ အကျိုးပြုပညာရပ်များစွာတွင် ဗိသုကာပညာသည် လွန်စွာအရေးပါသော ပညာရပ်တစ်ခုပင်ဖြစ်ပါသည်။ လူတို့သည် ဗိသုကာပညာနှင့်များစွာ ထိတွေ့ကာ ဆက်စပ်လျက်ရှိကြပါသည်။ ဗိသုကာပညာရှင်များ ဖန်တီးဆောက်လုပ်ထားသည့် အဆောက်အအုံများအတွင်း၌ လူတို့သည် လှုပ်ရှားသွားလာနေကြပါသည်။ လူတို့သက်သောင့်သက်သာနှင့် အဆင်ပြေစွာ အသုံးချနိုင်ရန် ဗိသုကာပညာရှင်များက ဖန်တီးပေးကြရပါသည်။ တစ်ချိန်တည်းတွင် လူတို့၏ စိတ်ဝင်စားမှု စိတ်လှုပ်ရှားမှုများ ဖြစ်ပေါ်သည်ဆိုပါက ဗိသုကာပညာရှင်၏ ဖန်တီးမှုအတိမ်အနက်ကြောင့်ဖြစ်သည်ဟု ဆိုရပါမည်။ ဗိသုကာပညာသည် စိတ်ဝင်စွားဖွယ်ကောင်းသော ဘာသာရပ်တစ်ခုဟူ၍သာ ဆိုရပါတော့မည်။