သတ္တိ

မွေးရာပါဦးနှောက်ချို့ယွင်းမှုမရှိရင် လူတွေဟာ ဘယ်သူ့ထက်ဘယ်သူကမှ ပိုပြီးဥာဏ် မကောင်း ကြပါဘူး။ သတ္တိကောင်းတဲ့သူ၊ သတ္တိပျိုးထောင်ရကောင်းမှန်းသိတဲ့သူ၊ ကြာရှည်ခံအောင်လေ့ကျင့်နိုင်တဲ့သူဟာ စာမေးပွဲလို အသေးအဖွဲကိစ္စမျိုးမှာသာမဟုတ် အရာရာမှာ အောင်မြင်နိုင်ကြတာပါပဲ ။ ဒါကြောင့် လက်ဝှေ့ကြိုးဝိုင်း သတ္တိမျိုးဆိုတာက လက်ဝှေ့ထိုးနိုင်ချိန်လောက်မှာပဲ လိုအပ်တာ။ လက်ဝှေ့ ထိုးနိုင်သေးတဲ့ အချိန်လောက်ထိသာ လိုအပ်တာ။ “ဦးနှောက်စိန်ခေါ်မှု” ကိုလက်ခံဝံ့တဲ့သတ္တိဆိုတာက သေသည် အထိသုံးစွဲကြရမှာ။သတ္တိမရှိတဲ့သူဟာ ဘာမှမလုပ်ဝံ့ဘူး။ ဘာမှမလုပ်ဝံ့ရင် ဘာမှမဖြစ်နိုင်တော့ဘူး။ ဒါကြောင့် သတ္တိဆိုတာဟာ အရာရာတိုင်းရဲ့ အကြောင်းခံကြီးဖြစ်တယ် ဆိုတာကို သေချာသဘောပေါက်ထား သင့်ကြပါတယ်။ သတ္တိန့ပဲ တ်သက်ပြီး စပိန်လူမျိုးစာရေးဆရာကြီး “ဆာဗင်တီး” ပြောဖူးတာကို သတိရလိုက်မိ ပြန်တယ်။ သူပြောတာက . . . စည်းစိမ်၊ ဥစ္စာ ဆုံးရှုံးလျှင် များစွာဆုံးရှုံး၏။ ခင်ပွန်းကောင်းတစ်ယောက် ဆုံးရှုံးလျှင် ပို၍ဆုံးရှုံး၏။ သတ္တိဆုံးရှုံးလျှင်ကား အားလုံးကုန်ပါလေပြီ တဲ့ ။ လောကကြီးမှာ ပေါ်ပေါက်လာတဲ့ကောင်းမြတ်သောအရာဟူသမျှဟာ “ကာယသတ္တိ၊ စာရိတ္တသတ္တိ” နှစ်မျိုးရှိတဲ့သူတွေ ဖန်တီးခဲ့တာတွေဖြစ်တယ်။ ဒါကြောင့် လောကကြီးတစ်ခုလုံးကလည်း သတ္တိကောင်းတဲ့ သူတွေ ကိုသာလျှင် သြဘာပေးကြတယ်။ လောကကြီးမှာ သတ္တိကောင်းတဲ့သူတွေအတွက်သာလျှင် နေရာရှိတယ်။ သတ္တိရှိရင် ရှေ့ တက်ပါ။ သတ္တိမရှိရင် နောက်ဆုတ်ပါ။ နေရာဖယ်ပေးပါ။ သစ်သားထဲကို သံချွန် ရိုက်သွင်းလိုက်တော့ ၀င်သွားတာဟာ သစ်သားက ပျော့လို့ မာတဲ့ သံချွန်အတွက် နေရာဖယ်ပေးလိုက်ရတာ ဖြစ်ကြောင်းကိုသတိပြုပါ။ မင်းဟာ မာသလား၊ ပျော့သလား။ မာရင် နေရာယူပါ။ ပျော့ရင် နေရာ ဖယ်ပေးလိုက်ပါ။

( အောင်သင်း ၏ အတွေးစကားများ စာအုပ်မှ)