ဂျွန်မင်းကြည်စော, ပန်းမြတ် , အေးချမ်းမြင့်မိုရ်, အေးငြိမ်းမြင့်မိုရ်

STI Myanmar University တွင် University of Bedfordshire (UK) မှ တိုက်ရိုက်ချီးမြှင့်သော BEng (Hons) Architectural Engineering နှင့် Civil Engineering ဘွဲ့များကို1st Class ဖြင့် အောင်မြင်ပြီး သူ ကျောင်းသား/သူ များနှင့် တွေ့ဆုံခြင်း

မေး #   မောင်လေး ၊ ညီမလေးတို့ရဲ့ နာမည်ကို မိတ်ဆက်ပေးပါဦး

ဖြေ# ကျွန်တော်က ဂျွန်မင်းကြည်စောပါ။ သမီးက ပန်းမြတ်ပါ ။ သမီးက အေးချမ်းမြင့်မိုရ်နဲ့ သမီးရဲ့အမြွှာ သူက အေးငြိမ်းမြင့်မိုရ်ပါ။

 

မေး-# အခု STI Myanmar University မှာ BEng(Hons)   ဘွဲ့သင်တန်းကို         1st Class နဲ့ အောင်မြင်ခဲ့ပြီလို့ သိရတယ်။  STI ကိုဘယ်လိုသိပြီးတက်ခဲ့တာလဲ ဘာမေဂျာယူခဲ့တာလဲ။

ဂျွန်# ကျွန်တော်က အင်ဂျင်နီယာတစ်ယောက်အရမ်းဖြစ်ချင်ခဲ့တာ ငယ်ဘ၀အိပ်မက်ပါ။ ဆယ်တန်းအောင်တော့ တကယ်တမ်းကျ အမှတ်မမီတော့ဘူး။ အဲ့ဒါနဲ့ နိုင်ငံတကာက တိုက်ရိုက်ပေးတဲ့ အသက်မွေးဝမ်းကျောင်းဘွဲ့ကို ဒီမှာပဲယူနိုင်မယ့် ကျောင်းတွေကိုသေချာစုံစမ်းကြည့်တော့ STI ကို သဘောကျလို့ ရွေးချယ်တက်ခဲ့တယ်။ မေဂျာခွဲတဲ့နေ့မှာပဲ အတွက်အချက်ပိုင်းတွေကို သိပ်စိတ်မ၀င်စားတဲ့ ကျွန်တော်က Archi ကိုပဲ ယူခဲ့ပါတယ်။

ပန်းမြတ်# သမီးက သူနဲ့ဆန့်ကျင်ဘက် အတွက်အချက်ကို သဘောကျပါတယ်။ ပြီးတော့ Civil ကို ဆရာတွေ စပြီး မိတ်ဆက်တော့ လည်း သဘောကျလို့ ရွေးချယ်ခဲ့တယ်။ ဒီကျောင်းကို သိတာကတော့ မိဘတွေက ကျောင်းတွေသေချာစုံစမ်းတဲ့အခါ သူတို့မိတ်ဆွေရဲ့ သားသမီးတွေက ဒီမှာတက်တဲ့သူတွေများတော့ ထောက်ခံကြတယ်။ ဒါကြောင့် STI ကိုရွေးချယ်ခဲ့ပါတယ်။

 အေးငြိမ်း # သမီးလည်းဆယ်တန်းအောင်တော့ အမှတ်သိပ်မကောင်းဘူး။ ဒါပေမဲ့ မိဘတွေက အဲ့ဒီမှာရပ်နေတာမျိုးမဖြစ်စေချင်တော့ တကယ်ကောင်းတဲ့ပညာသင်ကြားမူရှိမယ့် ကျောင်းကို စုံစမ်းကြည့်တော့ STI ကိုသိခဲ့ရတယ်။ ဒါကြောင့်ရွေးချယ်ခဲ့တယ်။ သမီးက  Civil မေဂျာကိုယူပါတယ်။

အေးချမ်း # သမီးလည်း အေးငြိမ်းလိုပါပဲ ။ ညီအစ်မဆိုတော့ မိဘတွေကညီမတို့ကို ပညာအမွေကို ထိုက်ထိုက်တန်တန်ပေးချင်တယ်။ ဒါကြောင့် STI ကို သူတို့သိချိန် တက်ဖို့ ညွှန်ကြားခဲ့တယ်။ သမီးက Creative ပိုင်းကို စိတ်ဝင်စားလို့ Archi မေဂျာကိုပဲ ယူလိုက်ပါတယ်။

 

မေး #  STIမှာ ပညာသင်ကြားခဲ့ရတဲ့ အတွေ့အကြုံကိုလည်း ပြောပြပေးပါဦး။

ဂျွန်# ကျွန်တော်တို့က ကျောင်းမှာ ၃နှစ်နဲ့ ၈လတက်ခဲ့ရတယ်ပေါ့ ။ ဆရာ ၊ဆရာမတွေရဲ့ စာသင်ကြားမူတွေက အရမ်းကောင်းပါတယ်။  ကျွန်တော်တို့က တက္ကသိုလ်ကျောင်းသား/သူ ဘ၀ကို ပျော်ပျော်ရွှင်ရွှင်နဲ့ လည်း ဖြတ်သန်းရတယ်။ စာကိုလည်းထိထိရောက်ရောက်သင်ပေးတော့  ပညာလည်းတကယ်တတ်တယ်ပေါ့ ။သင်ရိုးတွေကလည်း အင်္ဂလန်ကပေးတဲ့ ဘွဲ့အတွက်ရည်ရွယ်သင်ကြားတာမို့ အရမ်းကိုကောင်းပါတယ်။

ပန်းမြတ်# Lecturer ဆရာ၊ဆရာမတွေက သူ့အချိန်တွေနဲ့ဝင်တာပေမယ့် ၊ Assistant ဆရာ ၊ ဆရာမတွေက တချိန်လုံးရှိတော့ကိုယ်စာနားမလည်တာနဲ့ အချိန်မရွေး ပြန်ရှင်းပြပြောပြပေးပါတယ်။ စနေ၊ တနင်္ဂနွေဆိုလည်း အချိန်ငြိပြီး ဆရာမတွေက စာတွေပြန်ရှင်းပြပြောပြပေးပါတယ်။

အေးချမ်း#  Archi မှာဆို  Isreal Architect Foreigner ဆရာ Mr .Guy လည်းရှိတယ်။ တခြား Consultant ဆရာ/ဆရာမတွေလည်းရှိတော့ Project လုပ်တာတွေ ၊ Assignment ရေးတဲ့အချိန်တွေမှာ အကြံပေးကူညီမူတွေရတယ်။  

အေးငြိမ်း# ဟုတ်ပါတယ်။ဒါကြောင့် STI မှာ တက်ခွင့်ပေးတဲ့ မိဘတွေကိုတောင် သမီးတို့ ကျေးဇူးတင်မိပါတယ်. ဘာလို့လဲဆိုတော့ ဘွဲ့မရခင်မှာတောင် Internship တွေကို သွားဆင်းခဲ့ဖူးတယ်။ အ့ဒါတွေကြောင့်လည်းပါပါတယ်။

 

မေး# အဲ့ဒီအတွေ့အကြုံလည်း ပြောပြပါဦး။

ဂျွန် # အဓိကကတော့ စာတွေ့နဲ့ လက်တွေ့ တခါလည်းလေ့လာသင်ယူနိုင်တယ်။Internship ဆင်းပြီး final ရောက်တဲ့ အခါ ပိုပြီးနားလည်လာတယ်။ တခါတည်းမြင်လာတယ်။

ပန်းမြတ် # သမီးက မြနန္ဒာ ကုမ္ပဏီမှာ Internship ဆင်းရပါတယ်။   Estimate တွေတွက်ချက်ရတယ်။ ဟိုက လူကြီးတွေလည်း အစစအရာရာလိုအပ်တာမှန်သမျှသင်ကြားပြသပေးပါတယ်။

အေးငြိမ်း# သမီးနဲ့ အေးချမ်းက  မင်းဓမ္မလမ်းက ဆိုက်တစ်ခုမှာInternship ဆင်းရပါတယ်။  ညီအစ်မနှစ်ယောက်လုံးအတူတူပါပဲ ။ဒါပေမဲ့  ယူထားတဲ့ မေဂျာအလိုက် သူတို့သက်ဆိုင်ိရာနေရာတွေမှာ အလုပ်နဲ့ ပတ်သက်ပြိး စေတနာထားပြီးသင်ကြားမူတွေလုပ်ပေးပါတယ်။

အေးချမ်း#ဟုတ်ပါတယ်။ ဒါကြောင့် စာသင်ရင်း ဆရာ/ဆရာမတွေဆုံးမတဲ့ အချိန်လေးစားဖို့ ၊ လူမူဆက်ဆံရေးကို နားလည်ဖို့ ၊ အများပြောတာကို လေးလေးစားစားနားထောင်တတ်ဖို့ စတာတွေပါ အပိုဆု အဖြစ် Internship ဆင်းရင်း ရခဲ့တယ်။

 

 

မေး# STI က လွှတ်တဲ့ နိုင်ငံခြားခရီးစဉ်တွေဘာတွေရော သွားခဲ့ဖူးလား။

ဂွှန်# ကျွန်တော်က Architectural Toul သွားခဲ့ဖူးတယ်။ ဆရာ Guy ဥိးဆောင်ပြီး အစ္စရေးနိုင်ငံက နာမည်ကြီး မြို့ (၃)မြို့မှာ အာခီနဲ့ပတ်သက်ပြီး လေ့လာသင်ယူမူတွေလုပ်ခဲ့တယ်။ ဘာတွေ ဘယ်လိုဆောက်ထားတယ်။ ဘာနဲ့ဆောက်တယ်ဆိုတာကို details ရှင်းပြတယ်။ Workshop (၃)  တက်ခဲ့ရတယ်။ အစ္စရေးက ကျောင်းသားတွေနဲ့ ဒီ STI က သွားခဲ့တဲ့ ကျောင်းသား(၉) ယောက်နဲ့ ပေါင်းပြီး activities  တွေလုပ်ရတယ်။ အရမ်းအကျိုးရှိပြီး ပျော်စရာကောင်းတဲ့ ဘ၀မှာမမေ့နိုင်တဲ့ ခရီးစဉ်တစ်ခုပါပဲ။

 

မေး#အခုအားလုံးက  first Class တွေထဲပါတယ်။ ဘွဲ့လည်းရတော့မယ်။ ဘာသာရပ်အလိုက်  ကိုလည်းတကယ်ဝါသနာပါတယ်ဆိုတော့ ကိုယ့် ဂျူနီယာတွေကို စာလေ့လာမူပိုင်းနဲ့ ပတ်သက်ပြီး ပြောပြပေးပါဦး။

ဂျွန်# အဓိကကတော့ ကြိုးစားချင်စိတ်ပါ။ မိဘတွေကလည်း ကိုယ့်ကို အပြည့်အ၀ပံ့ပိုးပေးတယ်။ ကျောင်းနဲ့ ဆရာ၊ဆရာမတွေကလည်း ရာနှုန်းပြည့်  တာဝန်ကျေတယ်။ ကိုယ်ပဲ ကျန်တော့တယ်။ စာမေးပွဲဖြေရတော့မယ်ဆိုရင် ကျန်တာတွေကိုအနောက်ကိုပိြု့ပီး ကျောင်းကိုပဲ အရေးကြီးဆုံးနံပါတ်(၁) နေရာမှာထားပြီး ကြိုးစားခဲ့ပါတယ်။

ပန်းမြတ်# မေဂျာခွဲတဲ့အချိန်မှာပေါ့နော်။ ကိုယ်က သချာင်္တော်တဲ့သူလား။ ပုံဆွဲတော်သူလား။  ကိုယ့်ကိုယ် အသိဆုံးမို့ ကိုယ်ကြိုက်တဲ့ မေဂျာကိုယူပြီး စာမေးပွဲနီးမှစာကိုလုပ်တာမျိုးမဟုတ်ပဲ ကျောင်းဖွင့်ကတည်းက မှန်မှန်လေး လုပ်သွားရင်first class နဲ့ အောင်မြင်နိုင်ပါတယ်။

အေးငြိမ်း   ဒီကျောင်းမှာ individual project နဲ့ group project ဆိုပြီးရှိပါတယ်။ ဘယ်လို Project ပဲဖြစ်ဖြစ် ဆရာတွေနဲ့ တိုင်ပင်ပြီးလုပ်တာပိုကောင်းတယ်   ။ နားမလည်ရင် ပြီးစလွယ် မလုပ်ပဲ ဆရာ၊ဆရာမတွေကို  မေးမြန်းတိုင်ပင် သင့်ပါတယ်။

အေးချမ်း  ဒါကြောင့်ဆရာ၊ဆရာမတွေကို  နားမလည်ရင်မေးပါ။ အတန်းလည်းပုံမှန်တက်ပြီး စာလည်းပုံမှန်လုပ်ရင် အမှတ်ကောင်းကောင်းနဲ့ စာမေးပွဲကို ဖြေဆိုနိုင်ပါလိမ့်မယ်။

 

 

မေး# ညီမလေးတို့ ဘ၀မှာလေးစားအားကျရတဲ့ သူတွေကိုလည်းပြောပြပေးပါဦး။ ကိုယ့်ရဲ့ admire person ပေါ့ ။

ပန်းမြတ်# သမီးတို့ သူငယ်ချင်းတွေ ကျောင်းတက်တိုင်းပြောဖြစ်တယ်။ တီချယ် ရည်မွန်အောင်မိုးပေါ့နော်။ တီချယ်လိုဖြစ်အောင် နေထိုင်ကြမယ်ပေါ့ ။ တီချယ်က ကြည့်တော့ နူးနူးညံ့ညံ့ပျော့ပျော့လေးနဲ့ အရမ်း strong ဖြစ်တယ်။ တော်လည်းတော်တယ်။

အေးငြိမ်း# အတန်းထဲမှာအရမ်းဆိုးတဲ့ ကျောင်းသားတွေရှိတယ်။ လည်ဂုတ်ကနေဆွဲမပြီး အတန်းထဲမရောက်ရောက်အောင်ပို့ပေးတယ်။ မရမကလုပ်တယ်။ ထက်မြက်တယ်ပေါ့ ။သူက Subject တိုင်းမှာတော်တယ်။ Reference ထိတဲ့သူတွေဆိုလည်း အောင်အောင်စေတနာနဲ့ လိုက်လုပ်ပေးတယ်။ အဲ့ဒီလိုမျိုးကြောင့် လေးစားမိတယ်။

အေးချမ်း# သမီးတို့လည်းအတူတူပါပဲ ။ ဆရာကြိး ဦးပါစီမျိုးမြင့်နဲ့ ဆရာ Guy တို့ကြောင့်ပိုပြီးArchi ကို ပိုစိတ်ဝင်စားလာတယ်။ သူတို့လို တော်တဲ့ ဗိသုကာပညာရှင်တွေဖြစ်ချင်ပါတယ်။

ဂျွန်# ကျွန်တော်ဆိုရင်တော့ တီချယ်နှင်းဆုမွန်ဝင်းပေါ့ ။ သူက     ဆရာ Guy သင်သမျှ ပြန်ပြီး Details ရှင်းပြပေးတယ်။ သူ့ Discussion အချိန်ဆို နေ့တိုင်းတွေ့လွန်းလို့ မောင်းထုတ်နေရတယ်။ ကျွန်တော်အခုလို ဖြစ်တာ သူ့ကျေးဇူးတွေ အများကြီးပါလို့ ဆရာမက ကျွန်တော်လေးစားရသူတွေထဲ တစ်ယောက်အပါအ၀င်ပါပဲ ။

 

မေး# အခုလက်ရှိဘာတွေလုပ်နေလဲ။

ဂျွန်#  အခုလက်ရှိ Archi နဲ့ပတ်သက်ပြီး software ပိုင်းသင်တန်းတချို့ထပ်တက်နေပါတယ်။ ဘွဲ့က (၁၂)ပိုင်းမှဆိုတော့ ကျောင်းကပေးမယ့် ထောက်ခံစာနဲ့ အလုပ်တစ်ခုခု စလုပ်ဖို့ရည်ရွယ်ထားပါတယ်။

ပန်းမြတ်# သမီးကတော့ တီချယ်ရည်မွန်အောင်မိုးညွှန်ကြားတဲ့အတိုင်း MES မှာ Civil နဲ့ပတ်သက်တဲ့ သင်တန်းတွေ ထပ်တက်နေပါတယ်။

အေးငြိမ်း# သမီးလည်း ပန်းမြတ်နဲ့ အတူတူတက်နေပါတယ်။

အေးချမ်း# သမီးကတော့ အင်္ဂလိပ်စာကို လုပ်ချင်လို့ဆက်လုပ်နေပါတယ်။

 

မေး# ။ နောက်လာမယ့် အနာဂတ်ရည်မှန်းချက်နဲ့ပတ်သက်ပြီး ကိုယ်စိတ်ကူးထားတာလေး ပြောပေးပါဦး ။

 ဂျွန်# နောင်လာမယ့် (၂)နှစ်လောက်မှာ သေချာပေါက်မာစတာတက်ဖြစ်ပါမယ်။ ဒေါက်တာဘွဲ့အထိပါ ရချင်တာပါ။

အေးငြိမ်း# Structural Engineer  ဖြစ်ချင်ပါတယ်။ အဆောက်အဦးတွေကို ကိုယ်တိုင်ကြီးကြပ်ြ့ပီး ညွှန်ကြားဆောက်ပေးရတဲ့သူ။ မိန်းကလေးအင်ဂျင်နီယာဆိုပေမယ့် အများက အားကိုးပြိးလေးစား ရသူဖြစ်ချင်ပါတယ်။

ပန်းမြတ်# သမီးကတစ်နေ့နေ့မှာ ကိုယ့်အိမ်ကို အလှဆုံးဖြစ်အောင်ဆောက်ချင်တယ်။ အဓိကမိဘတွေကို  ဆောက်ပေးချင်တာ။ ဒီဇိုင်းပိုင်းကိုတော့ ကိုယ့် သူငယ်ချင်းတွေကို စိတ်တိုင်းကျဆွဲခိုင်းမယ်။ မာစတာကလည်း အခုသင်တန်းတွေပြီးလို့ အလုပ်တွေ့အကြုံတွေရရင် ဆက်တက်ဖြစ်မှာပါ။

အေးချမ်း # သမီးလည်းအလုပ်အတွေ့အကြုံတွေယူချင်ပါသေးတယ်။ ဒီဇိုင်းဆန်းဆန်းလေးတွေ နဲ့ ခေတ်မီအဆောက်အဦး  တွေကို မြန်မာနိုင်ငံမှာ ကိုယ်ဖန်တီးထားတယ်ဆိုတာမျိုး ပြောပြချင်ပါတယ်။ အဲ့ဒီလို ဖြစ်အောင်လည်း ကြိုးစားသွားမှာပါ။                     ။