STI Myanmar College မှာ BEng(Hons) Civil Engineering (Second Year, Sem 1) တက်ရောက်နေတဲ့ မောင်အားသစ်လှိုင်ရဲ့ မိခင်နှင့် တွေ့ဆုံခြင်း

STI Myanmar College မှာ BEng(Hons) Civil Engineering (Second Year, Sem 1) တက်ရောက်နေတဲ့ မောင်အားသစ်လှိုင်ရဲ့ မိခင်နဲ့ တွေ့ဆုံမေးမြန်းခန်းလေးကို မျှဝေပေးချင်ပါတယ်။ သားဖြစ်သူကို STI မှာ ထားရှိရွေးချယ်ခဲ့တဲ့အတွက် ဘယ်လိုတိုးတက်မှုရလဒ်ကောင်းတွေ ရရှိနေပြီလဲဆိုတာကို အခုလိုပဲ ပြောပြပေးထားပါတယ်ရှင်။
"မင်္ဂလာပါရှင်။ ကျွန်မကတော့ STI Myanmar College မှာ Civil Engineering Major ကို တက်ရောက်သင်ကြားနေတဲ့ မောင်အားသစ်လှိုင်ရဲ့ မိခင်ဖြစ်ပါတယ်ရှင်။
ပထမဦးဆုံးအနေနဲ့ ပြောရမယ်ဆိုရင်တော့ STI မှာ ကျောင်းစအပ်တဲ့အချိန် Major ရွေးချယ်တဲ့အခါ သားက သူဝါသနာပါတဲ့ Civil Engineering ကိုပဲ ရွေးချယ်ခဲ့ပါတယ်။ သားက ငယ်စဉ်ကတည်းက စိတ်ကူးနဲ့ ပုံဖော်ပြီး လက်တွေ့ဖန်တီးရတာကို ဝါသနာပါတဲ့သူ ဖြစ်လို့ပါ။
ကျောင်းတက်ပြီးနောက်ပိုင်းမှာ သားက မိဘတွေကို အမြဲပြန်ပြောလေ့ရှိတာကတော့ ‘စာသင်တဲ့အခါ ဆရာ၊ ဆရာမတွေက သားတို့အပေါ် အရမ်းနွေးနွေးထွေးထွေး ဆက်ဆံတယ်၊ စေတနာပါပါနဲ့ ရှင်းပြတယ်၊ ဂရုစိုက်မှုလည်း အပြည့်ပေးတယ်’ ဆိုတဲ့အကြောင်းတွေပါပဲ။
STI ကျောင်းရဲ့ အာမခံချက်ကတော့ သင်ထောက်ကူပစ္စည်း ပြည့်စုံတာနဲ့ ဆရာ၊ ဆရာမတွေရဲ့ ကျွမ်းကျင်စွာ သင်ကြားပေးနိုင်မှုတွေပဲ ဖြစ်ပါတယ်။ စာတွေ့သာမက လက်တွေ့ကိုပါ အမြဲတမ်း လေ့ကျင့်နေရတာကြောင့် ကျောင်းဆင်းလို့ လုပ်ငန်းခွင်ဝင်တဲ့အခါမှာ အခက်အခဲမရှိတာကို တွေ့ရပါတယ်။ ဒါကြောင့် မိဘတွေအနေနဲ့လည်း အထူးပဲ ကျေနပ်ပီတိဖြစ်ရပါတယ်ရှင်။ Semester တစ်ခုနဲ့တစ်ခုကြား နားရက်နည်းတဲ့အတွက် တစ်တန်းပြီးတစ်တန်း မြန်မြန်ဆန်ဆန်နဲ့ အချိန်ကုန်သက်သာစွာ တက်ရောက်နိုင်လို့ ရလဒ်ကောင်းတွေလည်း ရရှိနေပါပြီ။
သားရဲ့ တိုးတက်မှု အနေအထားကို မိဘတွေအနေနဲ့ အကဲခတ်ကြည့်တဲ့အခါမှာ သားဟာ စနစ်တကျနဲ့ အလုပ်လုပ်တတ်လာသလို၊ လူမှုပတ်ဝန်းကျင်မှာလည်း ရင့်ကျက်စွာ ပြောဆိုဆက်ဆံတတ်လာတာကို တွေ့ရပါတယ်။ ကျောင်း Event တွေမှာလည်း သူကိုယ်တိုင် ဦးဆောင်ပြီး Entertainment Room တွေမှာပါ တာဝန်ယူ ဆောင်ရွက်နေတာကို တွေ့ရပါတယ်။ ဒါ့အပြင် ကျောင်းတက်နေရင်း လုပ်ငန်းခွင်မှာပါ ဝင်ရောက်နိုင်တာကြောင့် STI Myanmar College ဟာ အင်ဂျင်နီယာကောင်းတွေနဲ့ အတတ်ပညာရှင်ကောင်းတွေ ဖြစ်လာဖို့အတွက် အများကြီး အထောက်အကူပြုမှာ သေချာပါတယ်ရှင့်။"