STI Myanmar University နဲ့ University of Bedfordshire (UK) တို့ပူးပေါင်းဖွင့်လှစ်ထားသော BA(Hons) Accounting & Finance ဘွဲ့ရကျောင်းသူ မကေခိုင်ဇင်နှင့်တွေ့ဆုံခြင်း

STI Myanmar University နဲ့ University of Bedfordshire (UK) တို့ပူးပေါင်းဖွင့်လှစ်ထားသော BA(Hons)Accounting & Finance ဘွဲ့ရကျောင်းသူ မကေခိုင်ဇင်၏ နောက်ဆုံးနှစ် ကျောင်းသူဘဝ ဖြတ်သန်းမူ အတွေ့အကြုံများကို ယခုကဲ့သို့မေးမြန်းခဲ့ပါသည်။

‌မေး- ဦးစွာပထမ ညီမလေးရဲ့ နာမည်နှင့် တက်​ရောက်ခဲ့တဲ့ အတန်း​လေး မိတ်ဆက်​ပေးပါရှင့်။

ဖြေ- ညီမနာမည်က မကေခိုင်ဇင်ပါ ။ STI Myanmar University ရဲ့ 13BBAမှာ Accounting မေဂျာနဲ့ကျောင်းပြီးထားပါတယ်ရှင် ။

မေး-Management/Accounting အပိုင်းကို Final Year မှာဆိုရင် ဘယ်လိုဘာသာရပ် ​လေး​တွေသင်ကြားရလဲ (Project, Assignment, Presentation ​တွေနဲ့ သင်ရပုံ)

ဖြေ-Final year Accounting Major first semester မှာ Financial reporting နဲ့ Audit Insurance ရယ် သင်ရတယ် ။ second semester မှာ Financial Management ရယ် Dissertation thesis paper ရယ် ရေးရတယ်ပေါ့နော် ။

မေး-Dissertation လုပ်ရမှာ​ပေါ့​နော်? အဲ့ဒီအခါမှာ​ကော ဘယ်လို​ခေါင်းစဥ်နဲ့လုပ်ဖြစ်လဲ? (ကိုယ်​ရေးခဲ့ တဲ့Dissertation အ​ကြောင်း​လေးရှင်းပြ​ပေးပါ)

ဖြေ-ညီမ Dissertation လုပ်တဲ့အခါမှာ Accounting ပိုင်းဖြစ်တဲ့အတွက် ရွေးချယ်ခဲ့တဲ့ခေါင်းစဥ်ကတော့ ရန်ကုန်က ဘဏ်ငါးခုကိုရွေးချယ်လိုက်ပြီးတော့ အဲ့ဒီဘဏ်ငါးခုက Central of Myanmar Law တွေ regulation တွေကို ဘယ်လောက်အထိလိုက်နာမူရှိလဲဆိုပြီး Dissertation ရေးခဲ့တာပါ ။ ခေါင်းစဥ်ကတော့ The Compliance of Law & regulation of the central Bank Myanmar top five bank in Yangon ပဲဖြစ်ပါတယ် ။ ညီမအနေနဲ့ဗဟိုဘဏ်က ချမှတ်ထားတဲ့ law & regulation တွေကို အရင်သိအောင်လုပ်ရတယ်ပေါ့နော် ။ နောက်ပြီးတော့မှ ဘဏ် ငါးခုရဲ့ financial Statement တွေကိုကြည့်ပြီး Data ရှာရတယ် ။ Central Bank ကချမှတ်တာတွေကို တကယ်လိုက်နာမလိုက်နာ လေ့လာကြည့်ရပါတယ် ။

မေး-ဆရာ/ဆရာမ​တွေက ​ကော ယခုလို Dissertation, Assignment, project ​တွေလုပ်တဲ့အခါ ဘယ်လိုမျိုး​တွေ support ​ပေးခဲ့လဲ။

ဖြေ- အဓိက အပင်ပန်းခံတာကတော့ညီမတို့ရေးတဲ့ Dissertation ကို တီချယ်တွေက အပင်ပန်းခံပြီး ဖတ်ပေးတယ် ။ တီချယ်‌ဒေါ်လှသိင်္ဂပေါ့နော် ။ တီချယ် က အရမ်းလည်းတော်ပြီး စိတ်အပင်ပန်းခံပြီး လုပ်ပေးတယ် ။ တီချယ်ကို အရမ်းကျေးဇူးတင်ပါတယ်။ Coordinator ဖြစ်တဲ့တီချယ်ခင်ရီရီစန်းကလည်း technical Support ပိုင်းရော သမီးတို့ရေဘယ်နေ့ဘယ်နေ့တော့ ထပ်ရတော့မယ်ဆိုပြီး အချိန်ငြိပေးတာ မျိုးတွေ လည်းရှိ ပါတယ်။

မေး- Industry-visit ​လေး​တွေ လဲ သွားရမှာ​ပေါ့နော် ။ Industry-visit ရဲ့အမှတ်တရ​လေး​တွေရယ် ဘယ်လို အကျိုး​ကျေးဇူး​လေး​တွေရလဲ ဆိုတာကို ​ပြောပြ​ပေးပါဦးရှင့်(Assignment ​တွေ dissertation ​တွေ​ရေးတဲ့အခါ support ဖြစ်လား? လုပ်ငန်းခွင်အတွက်​ကော အ​ထောက်အကူဖြစ်မယ် ယူဆလား)

ဖြေ-ကျောင်းက တစ်နှစ်ကို တစ်ခါ Industry visit လိုက်ပို့ပေးတယ် ။ ညီမက Final year မှာ သွားတော့ မလိုက်ဖြစ်လိုက်ပါဘူး။ Foundation တုန်းက သီလဝါစက်မူစုံကို Industry visit အနေနဲ့ သွားခဲ့ရတယ်။ ပထမဆုံး Industry visit အနေနဲ့ရောက်ဖူးတာဆိုတော့ ကိုယ့်ထက်စီနီယာ ဂျူနီယာလည်းပါတော့ အတွေ့အကြုံအသစ်ကို ရခဲ့ဖူးတယ် ။ နောက်တစ်နှစ် Fame ကိုသွားတုန်းကဆိုရင် သူတို့ဆေးဝါး ဘယ်လိုထုတ်လုပ်တယ်ဆိုတာကို ကိုယ်တိုင်ကိုယ်ကျလေ့လာရတယ် ။နောက်ပြီး ဆေးဝါးနဲ့ဆိုင်တဲ့ ဆေးရွက်ပင်တွေကို ကိုယ်တိုင်စိုက်ပျိုးထားတာလေးတွေအပြင် ဆေးဝါးနဲ့ဆိုင်တဲ့ စာရွက်စာတမ်း တွေခင်းကျင်း ပြသထားတာကိုလည်းတွေ့ရတယ် ။ နောက်ပြီးတော့ သူတို့ ဝန်ထမ်းတွေကိုဘယ်လို Management လုပ်တယ်ဆိုတာရော HR ပိုင်းအနေနဲ့ရော Fame အနေနဲ့ သူတို့ကိုယ်တိုင် ထုတ်လုပ်တယ် ၊သူတို့ကိုယ်တိုင် ရောင်းချတယ် သူတို့ကိုယ်တိုင်ဖြန့်ချီ တယ် ။ Do Yourself ပုံစံမျိုးဖြစ်နေတော့ Accounting Projectတစ်ခုမှာ Business Plan ကို Run မယ်ဆိုရင် ဘယ်လိုမျိုးကို Industry visit အနေနဲ့ Fame သွားတုန်းက အတွေ့အကြုံကို Apply လုပ်ခဲ့တယ်လို့ဆိုနိုင်ပါတယ် ။ တတိယတစ်ခုသွားတာက Yangon Stock Exchange ပေါ့နော်။ အဲ့ဒီတုန်းက လည်း တွေဘယ်လိုကစားတယ် ။ နာရီနဲ့အမျှပြောင်းလဲနိုင်တယ်ဆိုတာတွေကို လေ့လာခဲ့တယ်။ ညီမအတွက် အထောက်အကူဖြစ်တာဆိုရင် Dissertation ဘဏ်တွေအကြောင်းရေးတာဆိုတော့ မြန်မာ စည်ပင်ဘဏ်တို့ ၊ FMI တို့ Yangon Stock Exchange မှာ Business လုပ်ထားတဲ့ကုမ္ပဏီတွေအနေနဲ့ Public ကိုထုတ်ပြတဲ့ Financial Report တွေ Annual Reportတွေရှိတဲ့အတွက်ကြောင့် ညီမ Dissertation ရေးတဲ့အခါမှာ အထောက်အကူပြုပါတယ်။ ကျောင်းကနေ Industry visit တွေလွှတ်တဲ့ အတွက်‌ရှေ့လျောက်လုပ်ငန်းတွေမှာ အကျိုးရှိမယ်လို့ယူဆပါတယ် ။

မေး- ​ကျောင်းတက်ခဲ့ရတဲ့ တ​လျောက်အ​ပျော်ဆုံး အမှတ်တရ​လေး​တွေရှိရင်လဲ မျှ​ဝေ​ပေးပါဦး

ဖြေ-အပျော်ရွှင်ဆုံးအမှတ်တရအချိန်ကတော့ ပထမဆုံး Lighting Feststival မှာ 13BBA တစ်ခန်းလုံး စျေးရောင်းကြတယ်ပေါ့နော် ။ နှင်းဆီပန်းရောင်းကြတယ် ။ ပြဇာတ်အတူကကြတာ အမှတ်တရဖြစ်ပြီး အပျော်ဆုံးပါပဲ ။ နောက်ပြီး ကျောင်းက tripတွေပို့ပေးတယ်။ ကျောင်းသားတွေအတွက် Seminar တွေ Workshop တွေ အထိမ်းအမှတ်နေ့မှာ အမှတ်တရပွဲတွေ လုပ်ပေးတာလည်း ပျော်ခဲ့ရပါတယ် ။

မေး- ခုလိုမျှ​​ဝေ​ပေးတဲ့ အတွက်​ကျေးဇူးတင်ပါတယ်ရှင့်။ ​ညီမ​လေးတို့ရဲ့ အနာဂတ်ရည်မှန်းချက်​လေးလဲ ​ပြောပြ​ပေးပါဦး​နော်

ဖြေ- Long term Goal အနေနဲ့ ကိုယ်ပိုင်လုပ်ငန်းလုပ်ချင်တာပေါ့နော် ။ အခုညီမက Accounting နဲ့ဘွဲ့ရထားတာဆိုတော့ လောလောဆယ်အလုပ်ဝင်မယ်ဆိုရင်တော့ စာရင်းကိုင်အနေနဲ့ပဲရှိနေဦးမှာပေါ့ ။ နောက်တော့မာစတာဆက်တက်ဖို့လည်း ရည်မှန်းထားတယ် ။ ရည်မှန်းချက်အနေနဲ့ကတော့ ကိုယ်ပိုင်လုပ်ငန်းလေး လုပ်ချင်တာပါ ။ Final Year မှာ အဓိကကတော့လုံးဝမပေါ့ပါနဲ့ ။ ညီမအနေနဲ့ဆို Foundation Second Year အထိ Grade တွေကောင်းကောင်းရခဲ့တာပေါ့နော် ။ Final Year မှာ ညီမ နည်းနည်းပေါ့သွားတာနဲ့ Second Class ပဲရတော့တယ် ။ Final Year က First Year, Second Year နှစ်တွေလို ဆရာမကိုအားကိုးလို့မရတော့ဘူး။ သင်ခန်းစာပေးထားတာကို ကိုယ်တိုင်ဖတ် ၊လေ့လာပြီး ကိုယ်တိုင်လုပ်ရမယ် ။ Ukက တိုက်ရိုက်စစ်တာဖြစ်တဲ့အတွေက် Dissertation တွေ Thesis တွေကိုလည်း သေချာရေးပါ ။ သေချာပြန်ပြီး စစ်ပါလို့ပြောချင်ပါတယ်။