Thi Han Oo (Myanmar Treasure Partners & MTP Trading Co. Ltd)

စီးပွာရေးစီမံခန့်ခွဲမှုပညာရပ်ဆိုင်ရာသင်တန်းနှင့်အောင်မြင်နေသူ ကိုသီဟန်ဦးနှင့်တွေ့ဆုံခြင်း

STI Myanmar University နှင့် National Management  college တို့ ပူးပေါင်းဖွင့်လှစ်သော  Business Management  သင်တန်းကို ၂၀၁၅ခုနှစ်တွင်တက်ရောက်အောင်မြင်ခဲ့ပြီး အခုအချိန်တွင် အောင်မြင်သော ကုမ္ပဏီတစ်ခုကို ထူထောင်ထားသည့် လူငယ်စီးပွားရေးလုပ်ငန်းရှင် ကိုသီဟန်ဦးနှင့် ယခုကဲ့သို့  တွေ့ဆုံမေးမြန်းထားပါသည်။

မေး    ပထမဆုံးအနေနဲ့ STI Myanmar University မှာ ကိုသီဟန်ဦးတက်ခဲ့တဲ့အတန်းကို ပြောပြပေးပါဦး။

 ဖြေ ၂၀၁၃ ခုနှစ်မှာ STI Myanmar University နဲ့ National Management Degree College ( NMDC) တို့ ပူးပေါင်းဖွင့်လှစ်တဲ့  Burma in Business Management သင်တန်းကို (၁)နှစ်တက်ခဲ့ပါတယ်။

 မေး -   STI Myanmar University မှာ စီးပွားရေးနဲ့ ပတ်သက်တဲ့ သင်တန်းကိုတက်ဖို့   ဘယ်လို စိတ်ကူးရခဲ့လဲ။

ဖြေ   အဲ့ဒီအချိန် တုန်းက ကျွန်တော်က FMI/SPAကားကုမ္ပဏီမှာ Sales Executive ၀န်ထမ်းပေါ့ ။    ကျွန်တော်ဘွဲ့ရ အလုပ်လုပ်နေတဲ့ အချိန်မှာပဲ သတင်းစာထဲမှာကြေငြာတစ်ခုတွေ့တယ်။ အဲ့ ဒါက National Management Degree College ( NMDC)   နဲ့ STI Myanmar Universityတို့ လက်တွဲပြီးဖွင့်တဲ့  Business Management  ဒီပလိုမာသင်တန်းပါ။ အဲ့ဒီသင်တန်းကို ကျွန်တော်တက်ရင်း အလုပ်မှာ အရေးပေါ်ကိစ္စလေးပေါ်လာလို့ စာမေးပွဲမဖြေဖြစ်ခဲ့ဘူး။ အတန်းကလည်း အရမ်းကောင်းတော့ ကျွန်တော်  နောက်တစ်ကြိမ်ထပ်တ က်ခဲ့ပါတယ်။ နောက်တစ်ကြိမ်ကျမှ အောင်လက်မှတ်ရရှိခဲ့ပါတယ်။

မေး Business Management  ကို အလုပ်မအားတဲ့ ကြားက ပြီးအောင်တက်ခဲ့တယ်ဆိုတော့ စာသင်ကြားမှု   အပိုင်းနဲ့ ပတ်သက်ပြီး ကျေနပ်အားရတာမျိုးရော ရှိလား။

ဖြေ ရှိပါတယ်။ ဆရာ ဆရာမတွေက စာသင်တာမှာအရမ်းကောင်းတယ်။ သင်ကြားတဲ့ ဆရာ၊ဆရာ မတွေအားလုံး   ကျွန်တော်ရဲ့ တကယ့် အလုပ်လက်ဦးဆရာလို့ ပြောလို့ရပါတယ် ။ သူတို့နဲ့ ပတ်သက်ပြီးမှ               ကျွန်တော် Marketing အပါအ၀င် Business နဲ့ ပတ်သက်တဲ့ ဘာသာရပ် တော်တော်များများ အကြောင်းကို ထဲထဲဝင်ဝင်သိခဲ့ရတာ။ ဆရာ ဆရာမတွေဟာ ကျောင်းသားတွေအပေါ်မှာအရမ်းစေတနာကောင်းတယ်။   Master အထိတက်ဖို့လည်း အမြဲအားပေးပါတယ်။  ကျွန်တော်က အလုပ်ကိုလောလောဆယ် ဦးစားပေးနေသေး တာ့ ကျောင်းဘက်ပြန်မလှည့်နိုင်သေးဘူး။ တကယ်လို့  ကျောင်းဘက်လှည့်ဖြစ်ရင်တော့ MBA ကိုပဲ ဆက်တက်ဖို့ ရည်မှန်းထားပါတယ်။

မေး- တချို့တွေကလည်း Business Management လို့ပြောရင်  စီမံခန့်ခွဲမှုကို အဓိကထားလုပ်ရမယ့် လုပ်ငန်းမျိုးကလူတွေ ၊ စာရင်းကိုင်တွေနဲ့ စီးပွားရေးသမားတွေပဲ တက်သင့်တယ်ထင်နေကြတယ် ။  ကိုသီဟန်ဦး ကရောဘယ်လို ထင်သလဲ

ဖြေ- အဲ့ဒီအတွေးက လုံးဝမှားနေတယ်ဗျ။ အနည်းဆုံးတော့ လူတွေက စီမံခန့်ခွဲမှုပတ်သက်ပြီး နားလည်ထားသင့်တယ်။ လူတွေက ဈေးကျရောင်းကောင်းချင်တယ်။ စီမံခန့်ခွဲမှုနဲ့ ပတ်သက်ပြီး ကိုယ့်လုပ်မယ့် လုပ်ငန်းနဲ့ ချိတ်ဆက်ပြီး သဘောသဘာဝကိုသိဖို့ကျ လေ့လာမှုပိုင်းအားနည်းတယ်။ အင်ဂျင်နီယာဆီုလည်း တိုက်ဆောက်တတ်ရုံနဲ့ မပြီးသေးဘူး။ ကိုယ်ဆောက်တဲ့ တိုက်ကိုရောင်းတာဝယ်တာနဲ့ပတ်သက်တာ လုပ်ငန်းဆောင်ရွက်တာ ၊ IT သမားတွေဆိုလည်း ကိုယ်ထုတ်တဲ့ software နဲ့ ပတ်သက်ပြိး ပြန်ရောင်းရင် ဘယ်ဈေးရနိုင်မယ်ဆိုတာတွေ မျိုးသိဖို့ဆို Business Management ကို Major မဟုတ်တောင်မှ Minor အဖြစ် ကိုယ်က စိတ်ဝင်တစားနဲ့ လေ့လာဖို့ လိုအပ်တယ်။ အဲ့ဒီလိုသာလေ့လာမယ်ဆိုရင် ကိုယ်လုပ်မယ့်လုပ်ငန်းမှာသူများထက်ပိုပြီး ခေါင်းတစ်လုံးသာ တာပေါ့ ။

မေး- အခုလက်ရှိရော စီးပွားရေးအတွက် ဘာတွေလုပ်နေလဲ။

ဖြေ- ဟုတ်ကဲ့ ကျွန်တော် သူငယ်ချင်းတစ်ယောက်နဲ့ အတူ ကုမ္ပဏီထောင်ထားပါတယ်။ ပြောရရင်တော့ ကျွန်တော်က STI နဲ့ ရေစက်ရှိတယ်လို့ ပြောရမယ်။ STI မှာBusiness Management တက်ရင်း သူငယ်ချင်း တစ်ယောက်နဲ့ ခင်တယ်။ သူကတော့ Marketing field မှာ အတော်လေးကြာနေပြီ။ သူနဲ့ ကျွန်တော်အတူလက်တွဲပြိး Myanmar Treasure Partners & MTP Trading Co. Ltd ကိုထောင်ထားပါတယ်။ ကုမ္ပဏီသက်တမ်းကတော့ နှစ်နှစ်ရှိပါပြီ။

မေး- ဒါဆို STI မှာသင်တန်းတက်ပြီးတာနဲ့ ကုမ္ပဏီထောင်တာနဲ့ ကြားမှာ သုံးနှစ်လောက် gap ဖြစ်နေတာကို တွေ့တယ်။ လူငယ်တစ်ယောက်အနေနဲ့  ဘယ်လိုပြင်ဆင်မှူမျိုးလုပ်ခဲ့လဲ။

ဖြေ- အဓိက ကျွန်တော်ဝန်ထမ်းလုပ်တာပါပဲ။ ပြီးတော့ logistic နဲ့ပတ်သက်ပြီး အတော်လေးလေ့လာခဲ့ တယ်။ အဲ့ဒီမှာ ကျွန်တေ်ာပြောချင်တာ လူငယ်တွေကို အလုပ်ရှာရင် ကုမ္ပဏီကြီးတွေကိုပဲ ဦးစားပေးလျှောက်ကြတာ တွေ့တယ်။ အဲ့ဒါ မမှန်ဘူးလို့ ကျွန်တေ်ာမဆိုလိုပါဘူး။ ဒါပေမဲ့ လုပ်ငန်းငယ်လေးတွေ ၊ ကုမ္ပဏီသေးလေးတွေကိုလည်း အထင်သေးလို့မရဘူး။ လူသာလျှင်အဓိကပဲ ၊ ကျွန်တော် သာဆို set up ကုမ္ပဏီလေးတွေ နဲ့ အများကြီးဆုံခဲ့ ဖူးတယ်။ ဒါက ကံကောင်းမှူတစ်ခုပဲ ။  လူကတော့ ပိုပင်ပန်းမယ်  ၊ ဒါပေမဲ့ အများကြီးလေ့လာသင်ယူနိုင်သလို ကိုယ်ရဲ့ လုပ်နိုင်စွမ်းအားနဲ့ တာဝန်ယူမှုတွေကို အများကြီးပြလို့ရတယ်။

မေး- လုပ်ငန်းကြီးတွေမှာတော့ group leader တွေရှိတော့ကိုယ်က follower လုပ်လို့ရနေတာပေါ့ ။ ရေသာခိုနိုင်တာပေါ့။ ဒီသဘောလား။

ဖြေ- ဟုတ်တယ်။ လုပ်ငန်းသေးတွေကျ ကိုယ်လုပ်နိုင်လားမလုပ်နိုင်လား မြင်သာတယ်။  ဒါကြောင့် လူငယ်တွေကို ကုမ္ပဏီအသေးလေးတွေမှာလည်း လုပ်ကြည့်ပါ။ တကယ်ကြိုးစားသင်ယူနိုင်ရင် တစ်နေ့ ၀င်ငွေကောင်းတဲ့ ရာထူးဖြစ်စေ၊ ကိုယ်စိတ်တိုင်းကျတဲ့ အလုပ်ဖြစ်စေ၊  ကိုယ်ပိုင်လုပ်ငန်းဖြစ်စေ တစ်ခုမဟုတ်တစ်ခု ရွေးချယ် ပြီး အောင်မြင်အောင်လုပ်ဖို့ ကိုယ့်ကိုယ်ကိုယ် ယုံကြည်ချက်ရှိလာလိမ့်မယ်။

မေး- ဟုတ်ကဲ့ ။ ကိုသီဟန်ဦးက ၀န်ထမ်းလုပ်နေစဉ်မှာပဲ   Business Management သင်တန်းကိုတက်ဖို့ ဘာကြောင့် STI ကိုရွေချယ်တာလဲ။

ဖြေ- အဲ့ဒီတုန်းက ကိုယ်သာ အလုပ်မှာ ရာထူးတိုးသွားခဲ့ရင်၊ ဒါမှမဟုတ် ပိုကောင်းတဲ့ အလုပ်တစ်ခုခုများ ပြောင်းလဲရွေးချယ်ဖြစ်ရင် ကိုယ့်အတွက်ပိုအသုံးဝင်အောင်ဆိုပြီး တက်ထားလိုက်တာပါ။

မေး- ဒါဆို Business Management ကိုတက်ခဲ့တာက အခုလက်ရှိကုမ္ပဏီပိုင်ရှင်ဖြစ်လာတော့ရော အကျိုး ကျေးဇူးရှိလား။

ဖြေ- ရှိပါတယ်။ ဘာလို့လဲဆိုတော့။ အဲ့ဒီတုန်းက မှတ်မှတ်ရရ သတင်းစာမှာသင်တန်းကြေငြာတွေ့တယ်။ ဖုန်းဆက်စုံစမ်းတယ်။ နောက် လူကိုယ်တိုင် STI ကိုသွားပြီး သင်မယ့် Courses တွေကဘာတွေလဲ သင်ရိုးတွေကဘယ်လိုမျိုးလဲဆိုပြီး တောင်းဖတ်ကြည့်တာ ။ အဲ့ဒါတွေ ဖတ်ပြီးမှ ok အဆင်ပြေတယ်ဆိုပြီး တက်တာ ။ ကျောင်း Business Management ကို စုံစမ်းနေချိန်မှာလည်း သေချာရှင်းပြပေးသလို တကယ်တက်တဲ့ အချိန်ကျတော့လည်း သေချာနားလည်အောင်လည်း သင်ပေးတယ်။ အဲ့ဒီသင်တန်းတုန်းက စာအုပ်တွေကို အခုထိ ကျွန်တော်ဖတ်နေရတုန်းပဲ ။ Business Communication ဆိုတဲ့ စာအုပ်ဆိုရင် စီးပွားရေးမှာ Communication လုပ်ရတဲ့ အပိုင်းတွေကို တကယ့် အခြေခံကစပြီးသင်ပေးထားတာမို့ အရမ်းအသုံးဝင်ပါတယ်။ တချို့လူတွေက သင်တန်းက courses တွေကို လုပ်ငန်းမှာ ပြန်ပြီး အသုံးချလို့ မရဘူးလို့ပြောကြတယ်။ အဲ့ဒါကမှားနေပါတယ်။ တကယ်တမ်းကျတော့ လူတွေရဲ့ နေ့စဉ်ဘ၀ကနေစပြီး လုပ်ငန်းကြီးတွေအထိ Communication ဆိုတာ မဖြစ်မနေပါနေတာပဲ ။ ဒါကြောင့် အခုထိလည်း အဲ့ဒီ courses တွေက အခုထိ ခေတ်မီနေတုန်း ၊ အသုံးဝင်နေတုန်းလို့ပဲ ကျွန်တော်ပြောရမှာပါ။

မေး- နောက်တစ်ခုမေးချင်တာက ကိုသီဟန်ဦးက ခုထိ STI Myanmar University မှာ သင်တန်းတွေ ဆက်မတက်ဖြစ်သေးပဲနဲ့ intouch ဖြစ်နေတယ်ပေါ့ ။ ဘယ်လိုပုံစံမျိုး ကျောင်းနဲ့ အဆက်အသွယ်ရှိတာလဲ။

ဖြေ- ဟုတ်ကဲ့ ။ဒါက ဘယ်လိုလုပ်ငန်းတွေပဲဖြစ်ဖြစ် မိဘ ဆရာသမားနဲ့ လက်ဦးဆရာ နောက် ပညာရှင်တွေ မပါပဲနဲ့ ထူထောင်လို့ မရဘူးဆိုသလိုပါပဲ STI မှာ သင်ကြားတဲ့ ဆရာ ဆရာမကြီးတွေကို  စီးပွားရေးနဲ့ပတ်သက်ပြီး မေးမြန်းတာ ၊ ဆွေးနွေးအကြံဥာဏ်တောင်းတာမျိုးလုပ်ပါတယ် ။ ဘယ်အလုပ်မဆို Networking နဲ့ Communication လုပ်ဖို့ အရမ်းအရေးပါတယ်။ ကျွန်တော်ရဲ့ လုပ်ငန်းက ဈေးကွက်ဆိုင်ရာ သုတေသနလုပ်တဲ့ လုပ်ငန်းဆိုတော့ လုပ်ငန်းနဲ့ပတ်သက်ပြီး ကျောင်းကနေ အကြံဥာဏ်တောင်းတာ၊ ကိုယ်လိုချင်တဲ့   data တွေ အတော်များများရတယ်။ နောက် ကျွန်တော့်ုလုပ်ငန်းမှာ အလုပ်သင်အဖြစ်လာ ဆင်းမယ့် Intern တွေ ကိုလည်း ကျောင်းကပဲ ရပါတယ်။ ဒါကြောင့် STI နဲ့ ကျွန်တော် ခုထိ လက်တွဲနေတယ်လို့ ပြောရပါမယ်။

မေး - ဟုတ်ကဲ့ ၊ကိုသီဟန်ဦးရဲ့  အနာဂတ်ရည်မှန်းချက်ကိုလည်းပြောရင်း ကြိုးစားနေတဲ့ လူငယ်လေးတွေကိုလည်း အတွေ့အကြုံနဲ့ ယှဉ်ပြီးအ ကြံပေးပါဦး

ဖြေ-  ကျွန်တော်လက်ရှိရောက်နေတာက ကျွန်တော်လိုချင်တဲ့ အောင်မြင်မှုမျိုးမဟုတ်သေးဘူးပေါ့ ။ အဲ့ဒီအောင်မြင်မူကိုရရှိအောင်ကြိုးစားမှာပါ။ လူငယ်တွေက အခုချိန်မှာ ကိုယ်ဘာဖြစ်ချင်မှန်းမသိ ပဲ စမ်းတ၀ါးဝါး သွားနေကြတာများတယ်။ ဒါကြောင့်ကိုယ်ဘာဖြစ်ချင်သလဲဆိုတာကို အရင်သိအောင်ကြိုးစားပါ။ ပြီးတော့ အလွယ်လမ်းမလိုက်ပဲ နားလည်တတ်ကျွမ်းတဲ့ ကိုယ့်ရဲ့စီနီယာတွေ ၊ ကိုယ့်ပတ်ဝန်းကျင်က ဆရာသမားတွေကို မေးမြန်းပြီးမှ လုပ်သင့်လုပ်ထိုက်တာကိုလုပ်ပါ။ ဒါဆိုရင် ကိုယ်လျှောက်တဲ့ခရီးက ပိုခရီးတွင်မယ်လို့ပဲ ပြောချင်ပါတယ်။

မေး- STI နဲ့လည်း in touch ဖြစ်နေတုန်းပဲဆိုတော့ ကျောင်းကိုရော ဘာပြောချင်သေးလဲ။

ဖြေ- STI က ကောင်းမွန်ပြီး ယုံကြည်စိတ်ချရတဲ့ ပညာရေးအဖွဲ့အစည်းဖြစ်တယ်။  ကျောင်းသားတွေ ၊ လူငယ်တွေဖြစ်ချင်တာ လိုအပ်တာ မှန်သမျှ အမြဲဦးစားပေးလုပ်ပေးတဲ့ ကျောင်းတစ်ကျောင်းပါ။ လက်ရှိလည်း နာမည်ရနေတဲ့ပုဂ္ဂလိက တက္ကသိုလ်တစ်ခုဖြစ်တာမို့ နိုင်ငံတကာအဆင့်မီတဲ့ ပညာရေးလုပ်ငန်းတွေကို  ရေရှည် ပိုပြီး လုပ်ဆောင်သွားနိုင်မယ်လို့ ယုံကြည်ပါတယ် ။ ကိုယ့်ရဲ့ အတွေ့အကြုံတွေကို ခုလို ပြန်လည်မျှဝေ ခွင့်ရလို့လည်း STI Myanmar University ကိုကျေးဇူးတင်ပါတယ်။